Усход Беларусі перастае быць беларускім. З'яўляючыся самым усходнім горадам Беларусі, Магілёў з амаль 380-тысячным насельніцтвам практычна цалкам арыентаваны на расійскі рынак і ўжо цяпер, як лічаць многія, ментальна перастаў быць беларускім горадам.
Актывіст БХД дамогся прызнаць парушэньне ўмоваў кантракту
Cябра аргкамітэту па стварэньні партыі «Беларуская хрысьціянская дэмакратыя» Алег Аксёнаў дамогся ад Магілёўскага домабудаўнічага камбінату звальненьня з выплатай трохмесячнай дапамогі ў сувязі з парушэньнем наймальнікам працоўнага кодэксу.
У магілёўскім гарвыканкаме не дазваляюць рабіць копіі дакументаў для абскарджання
Пра гэта паведаміла прадпрымальніца Людміла Крыловіч, якая сутыкнулася з дадзенай праблемай. Жанчына пісала скаргі ў гарвыканкам і аблвыканкам з нагоды непрацягнення з ёй дамовы арэнды ў гандлёвым цэнтры “Прэстан”. Тром службам гарвыканкама было даручана разгледзець яе пытанне. Яны далі свае заключэнні датычна скаргі Людмілы Крыловіч і прадаставілі магчымасць азнаёміцца з імі візуальна, аднак не дазволілі іх сфатаграфаваць.Людміла Крыловіч з гэтымі заключэннямі цалкам нязгодна і каб грунтоўна іх абскардзіць хацела зняць копіі з іх і іншых матэрыялаў справы.
У Магілёве дабіваюцца публічных сесій дэпутатаў
Актывісты “Гавары праўду!” хочуць прысутнічаць на іх, каб задаваць пытанні дэпутатам гарсавету і атрымліваць на іх адказы. З гэтай мэтай яны накіравалі ліст старшыні Магілёўскага гарадскога Савету дэпутатаў Фёдару Міхеенку, у якім просяць уведаміць аб наступным такім пасяджэнні і дазволіць на ім прысутнічаць.
Дырэктар Магілёўскага праваабарончага цэнтру просіць прыцягнуць да адказнасці чыноўнікаў
Уладзімір Краўчанка (на фота) вінаваціць службовых асобаў у дапушчэнні знішчэння і раскрадання дзяржаўнай уласнасці, а таксама бюракратычнай цяганіне ў працы камісіі гарвыканкама па ўпарадкаванні выкарыстоўвання адміністрацыйных будынкаў, пабудоваў, вытворчых плошчаў і іншых аб’ектаў ўласнасці Магілёва.
Праваслаўныя Магілёва просяць адмяніць рок-оперу «Ісус Хрыстос — суперзорка»
Каля 500 подпісаў накіравана старшыні Магілёўскага аблвыканкама Пятру Рудніку пад зваротам адмяніць у Магілёве выступленне Санкт-Пецярбургскага тэатра «Рок-опера» з пастаноўкай «Ісус Хрыстос — суперзорка». Рок-опера, згодна з афішамі, павінна дэманстравацца ў абласным Доме культуры 3 сакавіка.
Магілёўскія ўлады пачулі грамадскасць?
Будаўніцтва гандлёвага цэнтру “Магніт” у цэнтры Магілёва будзе прыведзена ў адпаведнасць з дзеючымі нарматыўна-прававымі і тэхнічнымі дакументамі альбо перанесена на іншую пляцоўку за межы гістарычнага цэнтра горада.
Жыхар Магілёўскага раёна спрабаваў абрабаваць банк
Жыхар пасёлка Усход Магілёўскага раёна спрабаваў абрабаваць мясцовае аддзяленне банка.
У Магілёве адзначаюць гадавіну магдэбурскага права
28 студзеня грамадзкасьць Магілёва адзначыла гадавіну наданьня гораду магдэбурскага права. У гэты дзень у 1577 годзе кароль Рэчы Паспалітай Стэфан Баторый даў гораду прывілей на самакіраваньне.
У Магілёве ў ДТЗ загінуў супрацоўнік ДАІ
Як паведамілі ў праваахоўных органах, ДТЗ здарылася прыблізна ў 20.55 26 студзеня. Інспектар дарожна-патрульнай службы ўпраўлення ДАІ УУС Магілёўскага аблвыканкама, які знаходзіўся ў адпачынку, кіруючы асабістым аўтамабілем "КІА", выехаў за межы праезнай часткі і ўдарыўся ў асвятляльную мачту. У выніку ДТЗ 30-гадовы капітан міліцыі загінуў. Па гэтым факце праводзіцца праверка. NN.by
Уваход на сайт
ТОП-Навіны
Чорны аўторак беларускай эканомікі
24.05.2011 10:20
У той час, як беларускія дзяржпрапагандысты робяць выгляд, што нічога ў краіне не адбылося, а інфармацыя аб 56%-ай дэвальвацыі падаецца як другарадная навіна, ужо пасля рэпартажу аб прыбыцці Лукашэнкі ў Казахстан і нават пасля паведамлення аб паводцы ў Мінску пасля дажджу, у расійскіх СМІ тое, што адбываецца ў Беларусі называюць сваімі імёнамі: чорны аўторак наступіў для беларускай эканомікі.
Аб тым, што дэвальвацыі не будзе, казаў у сакавіку старшыня праўлення нацбанка Беларусі Пётр Пракаповіч.
"Пакуль я з'яўляюся старшынёй праўлення, ніякай разавай дэвальвацыі аднамомантавай ніколі не будзе. Нават 5% ніколі ня будзе ў нас разавай дэвальвацыі", - заяўляў ён у эфіры Беларускага тэлебачання 17 сакавіка.
Пасля аб'явы аб дэвальвацыі ў адносінах да долара беларускі рубель упаў на 56%. Прыкладна столькі ж ён страціў да расійскага рубля і еўра. Гэтай жа раніцай у Беларусі рэзка падскочыў і кошт аўтамабільнага паліва. Амаль на чвэрць.
Чэргі на запраўках ў панядзелак, 23 мая, расцягнуліся на сотні метраў уздоўж трас вядучых да АЗС. Аўтааматары запаўнялі не толькі поўныя бакі, але і прывезеныя каністры.
Галоўная інтрыга цяпер складаецца ў тым, ці ўдасца беларускаму ўраду прывесці валюту да адзінага курса. Апошнія 10 дзён у краіне іх было адразу чатыры: афіцыйны, наяўны курс у абменніках, курс на "чорным" рынку і курс на міжбанкаўскай біржы. Прычым адрозніваліся яны, ці ледзь не ў тры разы. Вось толькі зразумець, наколькі новы афіцыйны курс задаволіць усіх гульцоў на рынку, у бліжэйшы час не ўдасца. З аўторка Нацбанк Беларусі аднаўляе адміністрацыйнае рэгуляванне абменнага курсу на ўсіх сегментах рынку. А значыць, лічаць эксперты, далейшае падзенне беларускай валюты непазбежнае.
Вось ужо сапраўды: Гаворыць і паказвае "Гебельс-ТБ"!
belaruspartisan.org