Усход Беларусі перастае быць беларускім. З'яўляючыся самым усходнім горадам Беларусі, Магілёў з амаль 380-тысячным насельніцтвам практычна цалкам арыентаваны на расійскі рынак і ўжо цяпер, як лічаць многія, ментальна перастаў быць беларускім горадам.
Актывіст БХД дамогся прызнаць парушэньне ўмоваў кантракту
Cябра аргкамітэту па стварэньні партыі «Беларуская хрысьціянская дэмакратыя» Алег Аксёнаў дамогся ад Магілёўскага домабудаўнічага камбінату звальненьня з выплатай трохмесячнай дапамогі ў сувязі з парушэньнем наймальнікам працоўнага кодэксу.
У магілёўскім гарвыканкаме не дазваляюць рабіць копіі дакументаў для абскарджання
Пра гэта паведаміла прадпрымальніца Людміла Крыловіч, якая сутыкнулася з дадзенай праблемай. Жанчына пісала скаргі ў гарвыканкам і аблвыканкам з нагоды непрацягнення з ёй дамовы арэнды ў гандлёвым цэнтры “Прэстан”. Тром службам гарвыканкама было даручана разгледзець яе пытанне. Яны далі свае заключэнні датычна скаргі Людмілы Крыловіч і прадаставілі магчымасць азнаёміцца з імі візуальна, аднак не дазволілі іх сфатаграфаваць.Людміла Крыловіч з гэтымі заключэннямі цалкам нязгодна і каб грунтоўна іх абскардзіць хацела зняць копіі з іх і іншых матэрыялаў справы.
У Магілёве дабіваюцца публічных сесій дэпутатаў
Актывісты “Гавары праўду!” хочуць прысутнічаць на іх, каб задаваць пытанні дэпутатам гарсавету і атрымліваць на іх адказы. З гэтай мэтай яны накіравалі ліст старшыні Магілёўскага гарадскога Савету дэпутатаў Фёдару Міхеенку, у якім просяць уведаміць аб наступным такім пасяджэнні і дазволіць на ім прысутнічаць.
Дырэктар Магілёўскага праваабарончага цэнтру просіць прыцягнуць да адказнасці чыноўнікаў
Уладзімір Краўчанка (на фота) вінаваціць службовых асобаў у дапушчэнні знішчэння і раскрадання дзяржаўнай уласнасці, а таксама бюракратычнай цяганіне ў працы камісіі гарвыканкама па ўпарадкаванні выкарыстоўвання адміністрацыйных будынкаў, пабудоваў, вытворчых плошчаў і іншых аб’ектаў ўласнасці Магілёва.
Праваслаўныя Магілёва просяць адмяніць рок-оперу «Ісус Хрыстос — суперзорка»
Каля 500 подпісаў накіравана старшыні Магілёўскага аблвыканкама Пятру Рудніку пад зваротам адмяніць у Магілёве выступленне Санкт-Пецярбургскага тэатра «Рок-опера» з пастаноўкай «Ісус Хрыстос — суперзорка». Рок-опера, згодна з афішамі, павінна дэманстравацца ў абласным Доме культуры 3 сакавіка.
Магілёўскія ўлады пачулі грамадскасць?
Будаўніцтва гандлёвага цэнтру “Магніт” у цэнтры Магілёва будзе прыведзена ў адпаведнасць з дзеючымі нарматыўна-прававымі і тэхнічнымі дакументамі альбо перанесена на іншую пляцоўку за межы гістарычнага цэнтра горада.
Жыхар Магілёўскага раёна спрабаваў абрабаваць банк
Жыхар пасёлка Усход Магілёўскага раёна спрабаваў абрабаваць мясцовае аддзяленне банка.
У Магілёве адзначаюць гадавіну магдэбурскага права
28 студзеня грамадзкасьць Магілёва адзначыла гадавіну наданьня гораду магдэбурскага права. У гэты дзень у 1577 годзе кароль Рэчы Паспалітай Стэфан Баторый даў гораду прывілей на самакіраваньне.
У Магілёве ў ДТЗ загінуў супрацоўнік ДАІ
Як паведамілі ў праваахоўных органах, ДТЗ здарылася прыблізна ў 20.55 26 студзеня. Інспектар дарожна-патрульнай службы ўпраўлення ДАІ УУС Магілёўскага аблвыканкама, які знаходзіўся ў адпачынку, кіруючы асабістым аўтамабілем "КІА", выехаў за межы праезнай часткі і ўдарыўся ў асвятляльную мачту. У выніку ДТЗ 30-гадовы капітан міліцыі загінуў. Па гэтым факце праводзіцца праверка. NN.by
Навіны Беларусі
- Топ-10 пустых абяцанняў урада
- Затрыманы праваабаронца Алесь Бяляцкі
- Власть украла деньги пожертвованные пострадавшим от теракта
- Антыкрызісны плян ураду — шокавая тэрапія
- Фольклор, рожденный кризисом
- Чорны аўторак беларускай эканомікі
- Аб'ём грашовай масы павялічыўся на 5.8%
- Сакавіцкая статыстыка: Беларусь па-ранейшаму жыла не па сродках
- «Рэпартэры бязь межаў» заступіліся за беларускіх журналістаў
- Госфинансовая пирамида рухнет
Уваход на сайт
ТОП-Навіны
Магілёўцаў запрашаюць папоўніць фотавыставу “Страху няма”
20.01.2012 19:33
У Магілёвы адчынілася фотавыстава “Страху няма”. Яе арганізатарам выступіла магілёўскае аддзяленне “Руху за свабоду”. Сама ж фотавыстава адбываецца ў межах кампаніі “Беларускі выбар”.
На фотавыставе зараз прадстаўлена ўсяго 13 фотаздымкаў, аднак яе арганізатары заклікаюць магілёўцаў актыўна дасылаць фота, якія пасля конкурснага адбору здолеюць папоўніць калекцыю.
Адказны сакратар рэгіянальнага прадстаўніцтва “Руху за свабоду” Наталля Міцькавец адзначае, што мэтай фотавыставы з’яўляецца пабароць атмасферу страху ў беларускім грамадстве.
“Кожны чалавек мае права выказваццца незалежна ад таго, падабаецца гэта некаму ці не. Да нас гэтая фотавыстава прыехала з Гомеля. Мы ўзбагацім яе нашымі фотаздымкамі і пасля яе сканчэння яна пераедзе ў іншы горад”, - гаворыць Наталля Міцькавец.
Трэба адзначыць, што выстава будзе праходзіць да 31 студзеня. Кожны магілёвец можа высылаць на электронную пошту Гэты e-mail адрас абаронены ад спам-ботаў, для яго прагляду ў Вас павінен быць уключаны Javascript свае фотаздымкі, прысвечаная акцыям і мітынгам у Магілёве, дзе людзі перамагаючы свой страх выходзілі, каб выказаць нязгоду з пазіцыяй дзеючай улады.
Арганізатары запэўніваюць, што аўтары найлепшых фотаздымкаў атрымаюць каштоўныя прызы.